Thursday, November 23, 2006

വിഭാഗങ്ങള്‍

മലയാളം ബ്ലോഗ് പോര്‍ട്ടലിലെ വിഭാഗങ്ങള്‍ കറതീര്‍ത്ത് കൃത്യമാക്കിയെടുക്കുന്നതിനായി എല്ലാ ബ്ലോഗേര്‍സിനേയും ഞങ്ങള്‍ ക്ഷണിക്കുകയാണ്.

ഇപ്പോള്‍ ഉള്ള വിഭാഗങ്ങള്‍ പോര്‍ട്ടല്‍ തിടുക്കത്തില്‍ തട്ടിക്കൂട്ടിയെടുക്കുന്നതിയായി പെട്ടെന്ന് എഴുതിയുണ്ടാക്കിയതാണ്. ഇതില്‍ ആവശ്യമുള്ള പലതും ഇല്ലെന്ന് മാത്രമല്ല, ഉള്ളതില്‍ തന്നെ ചിലവയില്‍ തെറ്റുകളുമുണ്ട്. ഇത് തിരുത്തുന്നതിനും മെച്ചപ്പെടുത്തുന്നതിനും ഞങ്ങള്‍ നിങ്ങളുടെ സഹായം തേടുന്നു.

ഇപ്പോള്‍ ഉള്ള വിഭാഗങ്ങള്‍ ഇവയാണ്:

  1. അറിയിപ്പുകള്‍
  2. കഥ
  3. കവിത
  4. കുറിപ്പുകള്‍‍
  5. ചിത്രങ്ങള്‍
  6. നര്‍മ്മം
  7. പലവക
  8. പാചകം
  9. റിപ്പോര്‍ട്ടുകള്‍
  10. ലേഖനം

നിര്‍ദ്ദേശങ്ങളും അഭിപ്രായങ്ങളും വിമര്‍ശങ്ങളും എല്ലാം സ്വാഗതം.

അഭിപ്രായങ്ങള്‍ പ്രതീക്ഷിച്ചു കൊണ്ട്
- മലയാളം ബ്ലോഗ് പോര്‍ട്ടല്‍ ടീം.

Monday, November 13, 2006

മലയാളം ബ്ലോഗ് പോര്‍ട്ടല്‍ ഒരുങ്ങി.



ഇന്നലെ കൊച്ചിയില്‍ നടന്ന രണ്ടാമത് ബ്ലോഗേര്‍സ് മീറ്റില്‍ വച്ച് മലയാളം ബ്ലോഗ്‌സ് എന്ന സമഗ്ര മലയാളം പോര്‍ട്ടലിന്റെ ഉദ്ഘാടനം നടന്നു.
മീറ്റില്‍ പങ്കെടുത്ത പുതുമുഖ മലയാളം ബ്ലോഗേര്‍സ് ചേര്‍ന്നാണ് ഉദ്ഘാടനകര്‍മ്മം നിര്‍വഹിച്ചത്.








മലയാളം ബ്ലോഗുകള്‍ക്കായ് ഒരു സമഗ്ര പോര്‍ട്ടലിനുവേണ്ടിയുള്ള സ്വപ്നങ്ങളാണ് ഇവിടെ യാഥാര്‍ത്ഥ്യമാകുന്നത്‍. മലയാളം ബ്ലോഗുകള്‍ മുഴുവന്‍ ഒരിടത്ത് കൊണ്ടു വരിക, തരംതിരിക്കുക, പിന്മൊഴികള്‍ സ്വരൂക്കൂട്ടി വയ്ക്കുക, മലയാളം ബ്ലോഗുകളില്‍ തിരയാന്‍ കഴിയുക എന്നതിനൊപ്പം മലയാ‍ളം ബ്ലോഗുകളെക്കുറിച്ച് വേണ്ടുന്നതെല്ലാം ഒരിടത്ത് കൊണ്ടുവരിക എന്നതാണ് ഈ ശ്രമത്തിനു പിന്നിലുള്ള ഉദ്ദേശം.

ഇന്നലെ ലോഞ്ച് ചെയ്യാന്‍ വേണ്ടി ഒരാഴ്ചയ്ക്കുള്ളില്‍ ഒരുക്കിയെടുത്ത ഈ ബീറ്റാ വെര്‍ഷനില്‍ ഒരുപാട് ബാലാരിഷ്ടതകള്‍ ഉണ്ടെന്നറിയാം. ഇതിനകം തന്നെ പലരും പലതും സൂചിപ്പിക്കുകയും ചെയ്തു. മലയാളം ബ്ലോഗിങിന്റെ വളര്‍ച്ചയില്‍ ചൂണ്ടുപലകകളിലേക്കൊക്കെ ലിങ്ക് ചെയ്തുകൊണ്ടും ബ്ലൊഗ്ഗേര്‍സിന്റേയും വായനരുടേയും ഒക്കെ അഭിപ്രായങ്ങള്‍ മാനിച്ചുകൊണ്ടും ആയിരിക്കും ഇതിന്റെ ശരിയായ രൂപം മെനയുക.

ബ്ലോഗിംഗിലൂടെ പരിചയപ്പെട്ട, വ്യത്യസ്തതുറയില്‍ പ്രവര്‍ത്തിക്കുന്ന ചിലരാണ് ഈ പോര്‍ട്ടലിന്റെ പിറകില്‍ പ്രവര്‍ത്തിക്കുന്നത്. ഇതിന്റെ പിന്നിലുള്ള ലക്ഷ്യം ബ്ലോഗ് ലോകത്തിന് തങ്ങളാല്‍ കഴിയാവുന്ന സംഭാവന നല്‍കുക എന്നതുമാത്രമാണ്.

എല്ലാ സുഹൃത്തുക്കളുടെ സഹായ സഹകരണങ്ങളും വിലയേറിയ അഭിപ്രായങ്ങളും പ്രതീക്ഷിച്ചുകൊണ്ട്,

മലയാളം ബ്ലോഗ് പോര്‍ട്ടല്‍ ടീം